Монгол Улсын Шадар сайдын 2026 оны 27 дугаар тушаал, Онцгой байдлын ерөнхий газрын даргын баталсан удирдамжийн хэрэгжилтийг хангаж, 2026 оны 06 дугаар сарын 13-ны өдрөөс эхлэн дүүргийн нутаг дэвсгэрт гэнэтийн аадар бороо, үер, усны аюулаас урьдчилан сэргийлэх “Бүү бас” нөллөөллийн аян, нэгдсэн арга хэмжээг эхлүүлж нээлтийн арга хэмжээг зохион байгууллаа. Тус аяны хүрээнд Дүүргийн Иргэдийн Төлөөлөгчдийн Хурлын дэргэдэх Гамшгийн эрсдэлийг бууруулах орон нутгийн зөвлөлөөс гамшиг, аюулт үзэгдэл, үер, усны ослоос урьдчилан сэргийлэх, сэрэмжлүүлэг мэдээллийг олон нийтэд шуурхай түгээх, анхааруулах тэмдэг, тэмдэглэгээг шинэчлэх зэрэг нийт 8 заалт бүхий ерөнхий төлөвлөгөөг батлан хэрэгжүүлж байна. Үер усны аюулаас урьдчилан сэргийлж, сонор сэрэмжтэй байж, өөрийн болон бусдын аюулгүй байдлыг хангахыг нийт иргэдэд уриалж байна. #УсыгБүүБас #ДалайгБүүЯнд #ҮерУсныАюулгүйБайдал #ЗАболЗААВАЛхий

Багахангай дүүргийн Иргэдийн Төлөөлөгчдийн Хурлын ээлжит бус IX хуралдаан хуралдаж, Багахангай дүүргийн баяр наадмын хугацааг тогтоох, зохион байгуулах хороо, салбар хорооны бүрэлдэхүүнийг баталлаа.

Дүүрэгт нийслэлийн Замын сангийн 1.5 тэрбум төгрөгийн санхүүжилтээр Замын цагдаагийн пост хүртэлх 3,3 км авто зам, Улаанбаатар-Багахангай чиглэлийн нийтийн тээврийн автобусны эцсийн зогсоол, хороолол доторх зам засварын ажлууд хийгдэж байна.

Гэмт хэргээс урьдчилан сэргийлэх ажлыг зохицуулах салбар зөвлөл нь Гэмт хэрэг, зөрчлөөс урьдчилан сэргийлэх, Мансууруулах эм, сэтгэцэд нөлөөлөх бодисын хор хөнөөлөөс урьдчилан сэргийлэх талаар сургалт зохион байгууллаа. Цагдаагийн ерөнхий газрын Хүүхдийн гэмт хэрэгтэй тэмцэх хэлтсийн дарга Д.Будзаан мэдээлэл өгч дүүргийн Иргэдийн төлөөлөгчдийн хурал, Онцгой байдлын хэлтсийн 31 албан хаагчид сургалтад хамрагдсан.

   Гэмт хэргээс урьдчилан сэргийлэх ажлыг зохицуулах салбар зөвлөлөөс гэр бүлийн үнэ цэнэ, эв нэгдэл, эерэг харилцааг олон нийтэд сурталчлан таниулах, хүүхэд, залуучуудад гэр бүлийн халуун дулаан уур амьсгалыг бий болгох, гэр бүлийн хүчирхийллээс урьдчилан сэргийлэх, үнэт зүйлийг түгээн дэлгэрүүлэх зорилгоор “Миний гэр бүл – Миний бахархал” контентын уралдааныг зохион байгууллаа.