- 2024 оны 08 дугаар сарын 28-ны өдөр дүүргийн иргэдийн Төлөөлөгчдийн Хурлын Зөвлөлийн ээлжит 19 дүгээр хуралдаан хуралдаж Хот хоорондын нийтийн тээврийн үйлчилгээний талаар хэлэлцлээ. Хуралдаанаар дүүргийн Засаг даргын Эдийн засаг, нийгмийн хөгжлийн асуудал хариуцсан орлогч Б.Болормаа дүүрэгт нийтийн тээврийн үйлчилгээ явуулахтай холбоотой танилцуулга мэдээллийг өглөө.
- НИТХ-ын 2024 оны 02 дугаар сарын 29-ны өдрийн ээлжит хуралдаанаар НИТХ-ын Төлөөлөгч С.Эрдэнэбаяр дүүрэгт нийтийн тээврийн үйлчилгээ зогсонги байдалд шилжсэн талаар мэдээлэл өгч, нийслэлийн алслагдсан дүүрэг, хороодод нийтийн тээврийн үйлчилгээ үзүүлэх талаар санал хүргүүлсэн байна. Дүүргийн удирдлагуудын зүгээс удаа дараа санал хүргүүлсний дагуу Нийслэлийн Нийтийн тээврийн газрын дарга Д.Отгонжаргал, тээвэр төлөвлөлтийн хэлтсийн дарга Ш.Оюумаа нар дүүрэгт ирж ажиллалаа. Тус ажлын хүрээнд дүүрэгт хүн тээврийн дунд оврын автобус явуулах хүсэлтийг хүргүүлсэн бөгөөд Нийслэлийн Нийтийн тээврийн газраас Улаанбаатар-Багахангай гэсэн чиглэл гаргахаар шийдвэрлэсэн байна.
- Нийтийн тээврийн газрын даргын 2024 оны 04 дүгээр сарын 17 өдрийн А/46 дугаар тушаалаар ”Улаанбаатар (Дүнжингарав худалдааны төв)- Багахангай эцсийн зогсоол” чиглэлийг шинээр нээж, явах чиглэл, хуваарийг баталж, хот хоорондын хүн тээвэрлэх зориулалт бүхий 45 хүний суудалтай, ачааны тээштэй автобус худалдан авах ажиллагаа зарлан, тендерт шалгарсан компани 2024 оны 10 дугаар сард автобус нийлүүлэхээр гэрээ байгуулсан.
Дүүргийн иргэдийн Төлөөлөгчдийн Хурлын ээлжит 22 дугаар хуралдаан 2023 оны 12 дугаар сарын 18-ны өдөр 94.1 хувийн ирцтэйгээр хуралдлаа.
