Багахангай дүүргийн иргэдийн Төлөөлөгчдийн Хурал, “Менежмент ба ур чадварын хүрээлэн” ТББ-тай хамтран Монгол Улсын урт хугацааны хөгжлийн бодлого “Алсын хараа 2050”, Засгийн газрын үйл ажиллагааны хөтөлбөрт тусгасан “Төрийн албаны бүтээмж-чадавхийг бэхжүүлэх” тэргүүлэх бодлого зорилтын хүрээнд Олон улсын менежментийн тогтолцооны ISO9001-2015 стандартын талаарх мэдлэг, ур чадварыг олгож, байгууллагад стандартын зөвлөх үйлчилгээ үзүүлэх, гадаад дотоод туршлага судлах хөтөлбөрт хамруулах чиглэлээр хамтран ажиллах “Хамтын ажиллагааны Санамж бичиг” байгууллаа.
Санамж бичигт Багахангай дүүргийн иргэдийн Төлөөлөгчдийн Хурлын Ажлын албаны дарга М.Давааням “Менежмент ба ур чадварын хүрээлэн” ТББ-ын Захирал Т.Мөнгөнбөгж нар гарын үсэг зурсан юм.
Санамж бичгийн хүрээнд:
ОУ-ын менежментийн тогтолцооны стандартыг салбарын хэмжээнд нэвтрүүлэхэд дэмжлэг үзүүлэх, байгууллагын үйл ажиллагааг сайжруулахад чиглэсэн мененжментийн тогтолцооны ISO стандартын зөвлөх үйлчилгээг Төлөөлөгчид болон төрийн албан хаагчдад зохион байгуулах, шаардлагатай модуль сургалтууд, гадаад дотоод туршлага судлах хөтөлбөрт хамруулах, ГХУСэргийлэх чиглэлээр төсөл хөтөлбөр хэрэгжүүлэх, байгууллага хооронд мэдээлэл, туршлага солилцох, “Стандарттай дүүрэг” болох зорилгоор хамтран ажиллах юм.
Дүүргийн иргэдийн Төлөөлөгчдийн Хурлын ээлжит 22 дугаар хуралдаан 2023 оны 12 дугаар сарын 18-ны өдөр 94.1 хувийн ирцтэйгээр хуралдлаа.
