“ХУУЛИЙН БАЙГУУЛЛАГУУД”-ЫН НЭГДСЭН ЗӨВЛӨГӨӨНИЙГ ЗОХИОН БАЙГУУЛЛАА

Дүүргийн Иргэдийн Төлөөлөгчдийн Хурлын дэргэдэх Гэмт хэргээс урьдчилан сэргийлэх ажлыг зохицуулах салбар зөвлөл нь Багахангай, Налайх дүүргийн Шүүх, Багахангай, Налайх дүүргийн Прокурор, Шүүхийн шийдвэр гүйцэтгэх газар, дүүргийн Цагдаагийн хэлтэстэй хамтран “Аюулгүй, эрсдэлгүй амьдралын төлөө хамтдаа” хуулийн байгууллагуудын нэгдсэн зөвлөгөөнийг 2026 оны 01 дүгээр сарын 14-ний өдөр зохион байгууллаа. Дараах асуудлыг иргэдэд танилцуулав.

1.Багахангай дүүргийн иргэний, эрүүгийн хэргийн анхан шатны шүүхийн 2024, 2025 оны шүүн таслах ажлын харьцуулсан тоон мэдээний танилцуулга, цаашид авч хэрэгжүүлэх үйл ажиллагаа

2."Багахангай дүүргийн эрүүгийн нөхцөл байдал, эрүүгийн хууль тогтоомжийн хэрэгжилт"-ийн талаар

3.Шийдвэр гүйцэтгэх ажиллагааны биелэлт, хамтын ажиллагааны мэдээлэл

4.Дүүргийн 2025 оны гэмт хэрэг, зөрчлийн тоон мэдээллийн танилцуулга, цаашид авч хэрэгжүүлэх үйл ажиллагаа

Тус зөвлөгөөнд 15 байгууллагын 123 албан хаагч, иргэдийг хамрууллаа.

Зөвлөгөөний үеэр Багахангай, Налайх дүүргийн Шүүх дэх эвлэрүүлэн зуучлагч, Багахангай, Налайх дүүргийн Прокурор, Шүүхийн шийдвэр гүйцэтгэх газар, дүүргийн Цагдаагийн хэлтэс үйл ажиллагаагаа танилцуулж, зөвлөн туслах үйлчилгээ үзүүлж ажиллав.