Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс Цагдаагийн хэлтэстэй хамтран дүүргийн тусгай албан хаагчдад зориулан 2025 оны 06 дугаар сарын 05-ны өдөр “Ухаарлын хором” лекц (Гэр бүл, сэтгэл судлалын ухааны доктор, сэтгэл зүйч Г.Наранбаатар), Цагдаагийн Ерөнхий газрын “Сүлд чуулга”-ын тоглолтыг зохион байгууллаа.

“Олон Улсын Хүүхдийн эрхийг хамгаалах өдөр”-ийн арга хэмжээний хүрээнд “Багахангай-Миний хотхон” нь дүүргийн үүсэл хөгжлийн түүхийг дэлгэцээр болон фото зургаар сурталчилж, цагдаа, онцгой байдлын албаны техник хэрэгслийг танилцуулан, эрэлч нохойн үзүүлэх сургууль, ЕБС-ын ахлах ангийн сурагчдын дунд дүүргийн түүхээр “АХА” тэмцээн, цагдаагийн мотоциклтэй болон “Pororo” фонтой зураг авахуулах зэрэг арга хэмжээнүүдийг зохион байгууллаа.

Олон Улсын Хүүхдийн эрхийг хамгаалах өдрийг тохиолдуулан МУ-ын Ерөнхийлөгчийн ивээл дор зохион байгуулагдсан “Тийболлын улсын аварга шалгаруулах” тэмцээнд 8-р байрт шалгарсан шигшээ багийн 15 тамирчин, дасгалжуулсан багш нарт Хурлын даргын гарын бэлгийг гардууллаа.

“Түншлэл-Үйлчилгээний соёлыг дээшлүүлэх” зорилтот жилийн хүрээнд зохион байгуулсан “ИРГЭН ТАНЫГ СОНСЪЁ” арга хэмжээний үеэр ДИТХ-ын үйл ажиллагааг видео хэлбэрээр танилцуулж, иргэдэд зохион байгуулалтын талаарх ном, гарын авлага тарааж ажиллав.

"Түншлэл-Үйлчилгээний соёлыг дээшлүүлэх" зорилтот жилийн хүрээнд дүүргийн Иргэдийн Төлөөлөгчдийн Хурлаас 2025 оны 05 дугаар сарын 22-ны өдөр аж ахуйн нэгж, байгууллагын албан хаагчдыг чадавхжуулах "Төрийн албаны манлайлал" сэдэвт сургалтыг зохион байгуулж, 15 байгууллагын 32 албан хаагчийг хамрууллаа.